top of page

Jardinggu Keninu: Osura Individuasang / Individuation Overview

Kontu mergulah na mar rentu di alma, klai bos lembrah di isti lugah? Klai bos papiah? Kiora bos ingkontrah muleh di mulera, mer-machu di mar sa fundu, ki sorti di nomi bos dah kung olotu? Pra mutu tantu jenti (yo pun), yo lembrah nus inda lembrah kung papiah na nus sa mulera sibrih Inggres; asih, pintura di rentu pun teng ngua sintidu kung signifiku di Westi podih fikah mutu stranjeru pra nus bibeh na otru banda kung kampu kung parti di isti mundu grandi.


Prumiru, dispois yo sa trauma grandi di 2019, yo pun ja prendeh nomi-nomi Westi di banda kung spiritu di psyche. Isti nomi chegah, sertu; olotu sa signifiku judah tantu jenti na tudu banda di mundu prendeh mas di olotu onsong sa alma kung korsang. Nang asih, pun podih lembrah di nus sa mundu di rentu kung manera diferenti, kung manera mas bong apoyah nus sa kada dia sa susesu kung trabalu.


Osura Individuasang: Palabra pra falah di Peskisa Individuation


Palabra inggres "individuation" mutu kumpridu! Prumiru podih linggustah stretu beng Inggres (ke Portugis):


sibrih mpustah: individuasang ke indibiduasang di Inggres sa individuation


Fasel, mas Reglasang di Skundeh pra isti palabra ngka mutu bong: teng seis syllable, song igual kema Inggres kung Portugis. Pun podih figurah impoku, sibrih Kristang sa palabra pesua—impoku mas pertu di Inggres sa palabra individual di Kristang sa otru palabra jenti:


sibrih compounding: fikah pesua interu di palabra Kristang kunisedu

sibrih ganchah: pesuamintu di Kristang sa pesua kung suffix palnomi^ -mintu

sibrih ganchah: pesuasang di Kristang sa pesua kung suffix palnomi^ -sang


fikah pesua interu mutu kumpridu kung impoku unwieldy. Intresmiu basu sa dos, pesuamintu mas pertu di signifiku, pesuasang mas pertu di morphology kauzu -sang na Kristang mamenus iguai Inggres sa -tion. Fuad kung yo gostah pesuasang impoku mas di pesuamintu, mas yo lembrah tres-tres pun podih.


Kontu ngua jenti ta individuate? Palaksang pun podih teng tantu figura:


sibrih mpustah: indivijuah ke indibidjuah di Inggres individuate


Tona fraku sa gadrah di Reglasang di Skundeh; kung amostra di pedreh syllable prumiru, podih fikah:


sibrih mpustah kung pedreh syllable prumiru: ndibjah ke dibjah


Kontu nus sibrih pesua chuma rais:


sibrih ganchah: pesuah di Kristang sa pesua + -/ɂ/ ke /a/ [= -a, +ah kora skribeh]

sibrih ganchah: pesueh di Kristang sa pesua + -/ɂ/ ke /e/ [= -a, +eh kora skribeh]


Pra adjetibu individuated, logu derive di palaksang ja skuleh:


dibjadu di ndibjah ke dibjah

ke pesuadu di pesuah

ke pesuedu di pesueh


Pra psyche, yo gostah sibrih palabra Inggres, kauzu eli sa song mutu Kristang, tantu jenti ngka sabeh Kristang impodih sabeh nus ta falah di psyche. Kiora skribeh, pun podih gadrah Reglasang di Skundeh:


sibrih mpustah: saiki di Inggres sa psyche


Pra inner world, nus pun podih fasel sibrih calquing:


sibrih calquing: mundu rentu ke mundurentu di Inggres inner world


Pra akeli reglasang kung nomi stranjeru, Axiom of Maria, yo lembrah teng ngua frasa Kristang nus tudu logu intindeh:


sibrih enkudah: selang-seling di Kristang sa palabra kunisedu


Asih cognitive function? Klai falah? Kontu bos les peskisador/a sa peskisa na tudu banda, bos logu buskah mutu tantu sorti di nomi diferenti: teng peskisador/a skribeh function, function-attitude, cognitive bias, kung tantu otru nomi. Naki yo lembrah mistih trukah amostra impoku.


Dispois na basu teng yo onsong sa figurah klai jenti kung linggu Kristang podih intindeh banda-banda di saiki kung nus onsong sa bista-mundu, nus onsong sa okel uniku pra olah na rentu. Nomi-nomi inggres chuma "ego" kung "self" mutu trabalu pra jenti nteh PhD, nteh pasensa les skritura PhD. Pra judah mas jenti prendeh di saiki, yo ja skuleh ngua amostra mas jenti podih intindeh: lembrah di (parti numinti di) saiki chuma barku. Kontu saiki chuma barku, asih cognitive function podih fikah angkoza ki barku ropianu ja beng na nus sa parti di mundu buskah:


sibrih enkudah: tempra ((di) mulera) di Kristang sa palabra kunisedu


Oitu sorti di tempra mulera basumbes pun podih achah nomi impoku mas fasel di introverted Intuition, extroverted Sensing, kauzu dah klareza di introverted kung extroverted na Inggres super trabalu. Pra Intuition, Sensing, Thinking kung Feeling jenti sa kabesa pun sempri logu birah kung dia-dia sa andamintu kung aksang di lembrah kung sintih, kung otru angkoza. Pun nggeh sibrih nomi di albi, ke mar, ke sintidu, ke otru, kauzu tempra mulera olotu onsong sa sorti di angkoza mas di angkoza chuma Ego, Hero etc. Taming yo, Fuad kung yo sa studanti ja falah di tempra mulera sibrih olotu sa abbreviation Inggres; chuma saiki, nomi di isti oitu tempra mulera mutu tantu jenti ngka sabeh, impodih kuniseh kiora nus mpustah ke skribeh-soletrah. Asih:


sibrih mpustah: efai di Inggres sa Fi

sibrih mpustah: efi di Inggres sa Fe

sibrih mpustah: tiyai di Inggres sa Ti

sibrih mpustah: tiyi di Inggres sa Te

sibrih mpustah: esai di Inggres sa Si

sibrih mpustah: esi di Inggres sa Se

sibrih mpustah: enai di Inggres sa Ni

sibrih mpustah: eni di Inggres sa Ne


Pra fing, podih chomah Hero, Parent isti nomi chuma postu (di tempra mulera), Ego, Superego banda (di saiki). Na basu skribeh tudu nomi di prumiru 32 postu kung prumiru 16 banda; na post-post prosimu, yo logu dah stiru di klai yo ja skuleh tudu nomi. Nomi di tudu postu dispois 8 kung banda dispois 1 yo sa nomi; nang furtah! Tudu isti yo ja sibrih kung yo sa studanti komesah fing di 2020.


Banda 0 / Angkru na Kristang, Id na Inggres

Sombra (di) Angkru na Kristang, Superid na Inggres


Banda 1 / Galang (di Saiki) na Kristang, Ego na Inggres

Postu 1 / Peskador/a na Kristang, Hero na Inggres

2 / Komprador/a Parent

3 / Nusenti Child

4 / Animu Animus/Anima


Sombra (di) Galang (di Saiki) Superego

5 / Armador/dera Nemesis-Companion

6 / Konselu Critic-Sage

7 / Fitiseru/a Trickster-Shaman

8 / Diabu Demon-Daimon


Banda 2 / Prua Self

9 / Anju Herald

10 / Rejidor/a Tutelary

11 / Marineru Psychopomp

12 / Astrang Emissary


Sombra (di) Prua Superself

13 / Desperadu Revenant-Perpetual

14 / Jaga Gunslinger-Sentinel

15 / Stranjeru/a Wanderer-Celestial

16 / Brigador/dera Crusader-Integral


Banda 3 / Langgiang Spirit

{tokah naseh femi sa} ke {tokah naseh machu sa}*

17 / Mai ke Pai (di Saik